သူငယ်ချင်းတွေက ပြောကြတယ်။တစ်နေရာရာရောက်လို့များ ပေါက်ကရ လုပ်တတ်တဲ့သူ တွေတွေ့ရင် နင့်အမျိုးလားလို့ ကြည့်ရတယ်တဲ့။အဲဒီ့လိုဆိုကတည်းက စဉ်းစားသာကြည့်။
ပထမဆုံး ကျွန်မတို့ အဖိုးဘက်က နှမတွေအကြောင်းပြောပြမယ်။ကျွန်မ အဖိုးမှာ နှမ အပျိုကြီး နှစ်ယောက် နဲ့အစ်ကို တစ်ယောက်ရှိတယ်။တောမှာနေသူတွေလည်းဖြစ် ၊ပညာဘာညာကတည်း ရေးတတ်ဖတ်တတ်ရုံသာလေ့လာခဲ့တယ်ဆိုတော့ကာ အင်မတန် အပြောရကျပ်တာကလား။( အဲ..သူတို့အကြောင်းပြောရင်း သူတို့လေသံတွေ ၀င်လာပြီ) ။ငယ်ငယ်ကဆို သူတို့ ရှိရာ လက်ပံတန်း မြို့ ကို နွေကျောင်းပိတ်တိုင်း ကျွန်မတို့မောင်နှမ၀မ်းကွဲတွေ ပြန်ကြတယ်။အဲဒီ့လို ပြန်တိုင်း အဖိုးနှမတွေ အိမ်ဖက်လည်းသွားလည်ရသေးတယ်။ကလေးပေမယ့် လူမှုရေးစိတ်ဓါတ်လေး ငယ်ငယ်ကတည်းက ရှိရှာတယ်လို့ မတွေးလိုက်နဲ့ဦး။ကလေးဆိုတော့ အိမ်ထဲမနေရပြီးရော လူကြီးတွေ သွားလေရာ လိုက်ချင်တာရယ်၊သူတို့ အိမ်တွေမှာရှိတဲ့ မရမ်းသီး အချိုသီး ကို စားချင်တာရယ်.၊အိမ်အ၀င်ဝက ရေတွင်းကြီး ကို ကလေးပီပီ ငုံ့ငုံ့ ကြည့်ချင်တာရယ် တွေကြောင့် လူကြီးတွေ ကမသွားတောင် ကိုယ်က လေသံလေးပေးရတယ်။
ဖွားငွေနဲ့ ဖွားရွှေလည်း တွေ့ရသေးဘူးနော်..မီးမီးတို့ ကို သူတို့ က ချစ်ဖူးလား။မေးသံတောင်မကြားဘူး ဘာညာပေါ့။(ပြောရဦးမယ် မြရေလျဉ်က ငယ်ငယ်ထဲက စကားတတ်တယ်ဆိုပဲ ..အမျိုးတွေပဲပြောကြတာ အင်း စကားကြီး စကားကျယ်ကလည်းပြောတယ်တဲ့..)
ဘာပဲပြောပြော သူတို့အိမ်ရောက်ပြီ ဆိုတာနဲ့ နွေမပိတ်ခင်က ကျက်ထားတဲ့ ကဗျာလေး နှစ်ပုဒ် သုံးပုဒ်လောက် ဆိုပြပြီး ချကျွေးသမျှ ၀ါးတော့တာပဲ။ချောက်တိချောက်ချက်ရောင်းနေရတဲ့ အဖွားကြီး တွေရဲ့တောအိမ်ဆိုင်လေး က ထန်းညက်ချောင်းကနေ မန်ကျည်းစေ့လှော်အထိ ပါဝါမကူရေမရှူ ပဲ ၀ါးတာပေါ့။
အပြန်ကျတော့ လည်း သူတို့ ကပေးတဲ့ မုန့်ဖိုး ငါးကျပ် ကို ရလို့တော်တော်ပျော်ရသေး။
ပြောချင်တာက သူတို့တွေ ရန်ကုန်ကို ဆေးကု ဖို့လာကြတဲ့ အကြောင်းပါ။တောမှာ ဘာမဆို အလကားရပြီး ပိုက်ဆံလည်း ကုန်စရာ မရှိ၊နဂိုကလည်း ကပ်စေးနဲတဲ့ရှေးလူကြီးတွေဆိုတော့ ခက်ကြပုံများပြောပါတယ်။
ဖွားငွေက မျက်စိခွဲဖို့ ရန်ကုန် လာတာပါ။ရောက်လည်းရောက်ရော ကျွန်မတို့ အမေ ကို ငွေထုတ်ပေးပြီး ပန်းသီးဝယ်ခိုင်းပါတော့တယ်။ ပန်းသီးတစ်လုံးကို ၃၀၀ လောက် ရှိနေတဲ့ အချိန်မှာသူက ငွေတစ်ရာ ပေးပြီး ၁၀လုံးဝယ်ခိုင်းပါရောလား။ အဲ ..ပြဿနာက အဲဒါမဟုတ်ဘူး။ပြဿနာက ကျွန်မတို့ ဘယ်တော့ ပန်းသီးစားစား သူ့ ပန်းသီး လို့ချည်း ပြန်တဲ့ နေ့အထိပြောနေတော့တာပါပဲ။
ဒါတင်ပဲလားဆိုတော့ ဘယ်ဟုတ်မလဲ။ တခြား အမျိုး ၀မ်းကွဲ တစ်ယောက်အိမ်သွားလည်ရင်း အိမ်သာတက်နေတာက ဘယ်လောက်များ လက်ဆော့သလဲလို့ ။လူက လည်း မျက်စိက ခွဲထား၊ခြေလက်ကလည်း အငြိမ်မနေချင်ပဲနဲ့ ဟင်း....ပြောရရင် အသည်းယားစရာ ပါ။ အိမ်သာကြမ်းကြားက မြွေစိမ်းခေါင်းလေး ထွက်လာတာ ကို ကန်စွန်းညွှန့် လေးဆို ပြီး ချိုးဆော့ ပါသတဲ့...။ ကဲ မပြောချင်ဘူး။
အင်း သူ က မိန်းကလေးမို့ ဒီလိုဆိုတော့ သူ့အစ်ကို `ဦးကြီး ´(ကျွန်မ အမေခေါ်သလို ကျွန်မတို့ က လိုက်ခေါ်တာပါ)ကျ တစ်မျိုးဗျို့။ သူက တော့ ခုပြန်တွေးရင် သနားဖို့ လည်းကောင်းပါတယ်။ အဲဒီ့ တစ်ခေါက် က သူ ကင်ဆာ ဖြစ်နေတာ လာပြီးဆေး ကုတာပါ.။ သူ့ ကို သူလည်း ကင်ဆာလို့ သိပုံမပေါ်ပါဘူး။ဆရာဝန်က သူ့ ကိုဆေးတွေ ပေးပါတယ်။ မနက် ၊ နေ့လည်၊ ည ဆိုပြီး ၃ ခွက် ..၃ခွက်ပေးတာပါ။
ဦးကြီးဆေးသောက်ပြီးပြီလားလို့မေးကြည့် သောက်ပြီးပြီ ဆိုတာချည်းပဲနော်။
ဦးကြီးကတောကသာလာတာပါ .အင်္ဂလိပ်ဆေးကို ကြောက်ပုံ မပေါ်ဘူး ဆိုပြီး ချီးကျူး မိသေးတယ်။ အဖြစ်မှန်ကိုလည်း သိရော ပိုတောင် ဦးကြီး ကိုလေးစားသွားတာ။ ဦးကြီး အင်္ဂလိပ်ဆေးကို မကြောက်ပုံများ မနက်၊နေ့လည် နဲ့ ည သုံးခွက်စာ ကို
စိတ်မရှည်လို့ တစ်ခါထဲပဲ ပေါင်းသောက်ပစ်လိုက်တယ် ဆိုပဲ...အေးရော။
ခု အသက်ကြီးလာ မှ ကင်ဆာဆေးဆိုတာ တစ်ခွက်တစ်ခွက်ကို အများကြီးဆိုတာ သိရတော့ ဦးကြီး ကို မနောက်ရက်တော့တဲ့အပြင် အရမ်းသနားမိပါတယ်။
အင်း သေချာတွေးကြည့်တော့ အသိအမြင် မကြွယ်တဲ့ ဦးကြီး တစ်ယောက် ကင်ဆာဆေးလုံးပေါင်း မြောက်များစွာ ကိုသောက်ရင်း နောက်ဆုံးတော့ လည်း................။
ထားပါ။ အဖိုးဘက်ကတော့ ကုန်ပြီ။ အဖွားဘက် လှည့်မယ်။
အရင်ဆုံးသူ့ အစ်ကိုကြီး အကြောင်းပေါ့။သူက ၀ါဝါ၀င်းရွှေ တို့ ညွှန့်ဝင်း တို့ ခေတ်က ရုပ်ရှင်ဒါရိုက်တာကြီးပါ။
နေတာကတော့ လက်ပံတန်းမှာပါပဲ။ ရန်ကုန် တက်လာရင် မြောက်ဥက္ကလာမှာနေပါတယ်။လူရွတ်လူနောက်ကြီးပေါ့။
သူက သူ့ မိန်းမ ကို ဆို
` အစော တို့ စိတ်ကောက်ပြင်းထန်ပုံကတော့ စံပါပဲ။ ငါ့ စိုက်ခင်းထဲ တစ်ရက် သူလိုက်လာတာ ငါ့ ဗူးစင်ပေါ်က ဗူးသီးတွေ ဒီနေ့ အထိ ကွေးကွေးတွေပဲ သီးတော့တာသာကြည့်´အဲလို စ တာပါ။ပြောလည်းပြောစရာ။ ဖွားစော စိတ်ကောက်တတ်တာလည်း အမျိုးထဲမှာ လက်မှတ်ရတယ်။
သူ ကကျ စိတ်မရှည်တာပါ။ စိတ်မရှည်ပုံများ တစ်ခါက ရန်ကုန်ကနေ လက်ပံတန်းပြန်လာတာ လမ်းမှာ ရထားပေါ်မှာဒဏ်ရိုက်ခံရပါရောလား။ ဖြစ်ပုံက ဒီလိုပါ။ လက်ပံတန်းဘူတာဝင်ကာနီး လမ်းခုလတ်မှာ အရေးပေါ်ဘဲလ် ကို နှိပ်မှုလေ။ အရေးပေါ်ဘဲလ် မြည်တယ် ဆိုတော့ ရထားတစ်စီးလုံး ရုတ်ရုတ်သဲသဲ ဖြစ်ပြီး ရထား ၀န်ထမ်းအရာရှိတွေလည်းရောက်လာပါရောတဲ့။ဟုတ်တယ်လေ။ဒီဘဲလ် က အကြောင်းကြီးကြီးမရှိပဲ မနှိပ်ရဘူးကိုး။ဒီတော့ ဘာလို့များနှိပ်တာပါလိမ့်ပေါ့။
သူက အေးဆေးပါပဲ ။ပြန်ဖြေတာက။
သူ့ အိမ် ကို မြင်နေရပြီတဲ့။ ဘူတာထိလိုက်နေရင် ပြန်လာနေရဦးမယ် ..။ကြာလို့ တဲ့။ ခု လိုရထားရပ်လိုက်တော့ ဆင်းလိုက်လို့ ရတာပေါ့ တဲ့ ဆိုပြီး ဆင်းမယ် လုပ်ပါရော..။တကယ်တမ်းကတော့ ချက်ချင်းမဆင်းရတဲ့ အပြင် ကံကောင်းလို့ ဂတ် မရောက်တာ။ အဲလို ဆိုးတာ။
နောက်တစ်ခု က ရန်ကုန်မှာ ..။ ဘတ်စ်ကားပေါ်မှာ ။ခါးပိုက်နှိုက် ကို နောက်တာပါ။ လန့်သွားလား။ ခါးပိုက်နှိုက် ကို ဘယ်လို နောက်လဲ ဆိုပြီး။ ပြောပြမယ်။
ကားပေါ်မှာ ခါးပိုက်နှိုက် က သူ့ နားကို မယောင်မလည် လုပ်နေကတည်းက သူ က သိတယ်။သူ့တိုက်ပုံအိတ်ကပ် ကို နှိုက်နေတာလည်းသိတယ်။အသာလေးလွှတ်ပေးထားတယ်တဲ့။နောက် ခါးပိုက်နှိုက်လည်း လိုချင်တာရတော့ သူ့နားက ခွာပြီး တခြားနေရာ ကို တိုးသွားတယ်တဲ့။ပြီးလည်းပြီးရော ..ခါးပိုက်နှိုက် က သူ့လက်ထဲကို ငုံ့ကြည့်တော့ သတင်းစာကြီးဖြစ်နေပါရော ..။ သူ့ ဆီက ရသွားတဲ့ ငွေတွေကို ရေကြည့်မယ်ဆိုပြီး ခေါင်းလေးငုံ့ ၊ဘေးဘီကြည့်နဲ့မျက်နှာကလေးက ဖြစ်သွားပုံများ ဆိုပြီး ပြော ပြောပြီး ရယ်လိုက်တာ ...။ဟုတ်တယ်လေ။ သူ့ခမျာလည်း ကမန်းကတမ်းဆိုတော့ ဘယ်သေချာသိမလဲနော့.....။
အဲဒီ့တုန်းက သူ က ဘိုင်ပျက်နေလို့၊လက်ထဲက သတင်းစာကြီးကိုင်ရတာ လည်းရှုပ်တယ် ဆိုပြီး ..အိတ်ထဲ ခေါက်ထည့် ထားတာတဲ့။ဒါကြောင့်ယူတာသိ သိနဲ့ ငြိမ်ခံနေတာပေါ့တဲ့။
ဟင်း ....မနိုင်ဘူးနော်။
နောက်တစ်ယောက်ကတော့ ကျွန်မရဲ့ ဂရိတ်မဟာ အဖွားအရင်းပေါ့။`မြ´ ဆိုတဲ့ နာမည် က သူ့ဆီက ယူထားတာလေ။ကျွန်မ အမေရဲ့ အမေ၊ကျွန်မတို့ အဖွားမိုလို့ `မေဖွား´ လို့ ခေါ်ကြပါတယ်။အသက် က (၇၀)ကျော်ရုံလေးပေမယ့် ပင်ပန်းခဲ့တဲ့ ဘ၀ဒဏ်တွေရယ်၊ ချစ်ရတဲ့ ခင်ပွန်းနဲ့ အစ်မ တို့ တပြိုင်နက်ထဲ တိမ်းပါး သွားတာတွေရယ် ပေါင်းပြီး သူ က သူငယ်ပြန်ချင်နေပါပြီ။ဒီတော့ စိတ်မချတဲ့ သားသမီးတွေ က ရန်ကုန်မှာ လာနေဖို့ ပြောတာကို လက်မခံချင်ပဲ လိုက်လာနေရလို့ အတော် မကျေနပ်ပါ။
`ငါ့ အိမ်မှာသာ ငါနေရင် ခြံထွက် ဆူးပုတ်ခက်ကလေးတွေ ဖြတ်ရောင်းပြီး ငါ့ ပင်စင်လစာလေးနဲ့ပေါင်းစားရင်ကောင်းကောင်းနေနိုင်ပါတယ်အေ..´သူပြောတဲ့ ဆူးပုတ်ခက်ဆိုတာ ရေလောင်းမယ့်သူ မရှိလို့ ခု ဆို တစ်ပင်လုံးပေါင်းလို့ ငါးခက်ရတောင်ကံကောင်း၊ ပင်စင်လစာ ကလည်း တစ်ခါက သူထုတ်တာ သုံးထောင်ရတာတွေ့ဖူးတယ်။ဒါတောင် ၆လစာလား၊တစ်လစာလားမသေချာဘူး။ဒါပေမယ့် အဖွားကလောက်တယ်ဆိုတာချည်းပဲ ဇွတ်ပြောပြီး ပြန်မယ် ချည်း လုပ်နေတော့ တာ နေ့တိုင်းပါပဲ။ပြီးတော့ သူ့ အိမ်ကြီးထဲမှာ တစ်ယောက်ထဲ၊အဖော်မရှိဘာမရှိ သူဘယ်လိုနေမလဲ။နယ်မြို့ ဆိုတာ မီးလာတဲ့ ရက် ကလည်း ခပ်ရှားရှားလေ။
ဒီတော့ စိတ်ချမ်းသာအောင် သောကြာနေ့ညနေဆို ပြန်ပို့ ။တနလာင်္ မနက် ဆို အားလုံးပြန်လာဆိုတဲ့ အစီအစဉ်အတိုင်း လုပ်တာ သူက ကျေနပ်သွားပါတယ်။ခက်တာက သူ့ ဦးနှောက် မှတ်ဥာဏ်အား။ထင်ရာမြင်ရာစွဲတာလေးတွေ။အဲဒီ့တော့ တနင်္လာ မနက် ပြန်ရောက် တဲ့ အထိ အိုကေ။ အင်္ဂါ နေ့လည် ဆို အထုတ်တွေ ထုတ်နေပြီ။ ဒီနေ့ သောကြာလေ။ ပြန်မယ်ဆိုပြီး ရစ်ရော ဗျာ။
စကားတစ်ခွန်းကို သူ့ရှေ့မှာပြောရင် အရှေ့ပိုင်းတွေကို ပဲ မှတ်မိတယ်။တခါတလေ သူပေးတဲ့ သတင်းအချက်အလက်အမှားတွေ ကို သားသမီးတွေက တကယ်ထင်ပြီး ဟာသတွေ ဖြစ်ရသေးတယ်။ ကျွန်မ ဥိးလေးအငယ်က အရင် က နိုင်ငံခြားတွေဘာတွေ သွားခဲ့တာ ကို ပဲ စိတ်စွဲပြီး ဦးလေး အပြင်ထွက်သွားတိုင်း အိမ်ကို လာတဲ့ သူတွေ ကို ..
ဟဲ့ ကို ငယ်တော့ ဒီနေ့ပဲ သွားတယ်လေ..။ငါလည်းပြောသွားတယ် ..အမေစိတ်ချပါတဲ့။အစတော့ အိမ်လာတဲ့ ဧည့်သည်တွေက အထာမသိတော့
ဟယ် ဟုတ်လား..ကိုငယ်သွားပြီလား ပေါ့..။နောက်တော့ အဖွားအကြောင်းသိတော့ ဘာမဆို ကျွန်မ တို့ ကို လာလာမေးပြိး မှ ယုံရဲတော့တာ။
ကျွန်မ မလာခင် မှာအခြေအနေ က ပိုဆိုးလာတယ်။ တစ်နေ့တော့ ထူးထူးဆန်းဆန်းပြောလာပါတယ်။အဲဒီ့စကားကို ကြားတော့ ကျွန်မ အဒေါ်က
အမေ အဲဒါ ကို ဘယ်သူ့ မှ ပြန်မပြောနဲ့နော်လို့တောင် နှုတ်ပိတ်ထားရတယ်။
သူပြောတာကြည့်လေ..။
အဖိုးက သူ့ ကို မောင် လို့ ခေါ်မှ ကြိုက်သတဲ့ ။ကဲ..။ကျွန်မ သိသလောက်တော့ အဖိုးက အဲဒီ့လောက်မ ကြူတတ်ပါဘူးလို့များ သွားပြောရင်လည်း မိုးမီးလောင်မယ်။အသာလေးနေပေးလိုက်ရတယ်။
ခုတော့ နောက်ဆုံး မြရေလျဉ် ကွိုင်တက်နေပြီ။
အဖွားပဲပေါ့။ ကျွန်မ အမေ ဆီဖုန်းဆက်ပြီး ဟိုနေ့ က ပြောလိုက်တာ။ခု ..ကျွန်မကို အိမ်က ၀ိုင်းကျပ်နေပြီလေ.။
ပြောတာကလည်းကြည့် ...
` ညည်းသမီး ငါ့ ဆီဖုန်းဆက်တယ် မိပေါက် ..သူ အိမ်ထောင်ပြုပါရစေတဲ့ .အဲ့ဒါဘယ်လိုလုပ်ကြမလဲ´ရုပ်တည်ကြီးနဲ့ ပြောတာနော်....ဟင့်။......။
..........................................................................................
( အဖိုးအဖွားများအားလုံးကို သတိရလို့ ရေးပါတယ်။
သက်ပိုင်သူ၊ူ
ပိုင်ဖြိုးကို၊ ဖိုးသင်္ကြန် နဲ့
တလနွန် ရေ..နင်တို့ အလှည့်ပဲဟေ့)
