တစ်ပင်ထဲပဲ နင်ပျိုးခဲ့တယ်
တစ်ပွင့်ထဲ..(ငါ့အတွက်) ပွင့်လို့..။
နှစ်တွေဝေးကာမှ
အမြစ်တွေကြားမှာ
နင် နောက်ထပ်အချစ်တွေ ပွားထားတာ ငါမြင်တယ်..။
မောင်ရေ..
မြေကြီးအောက်မှာတော့ လှိုက်မစားတော့ဘူး..။
နင်ချစ်တဲ့သူဆီ နင်ပဲလိုက်သွားပါ..။
ခုတော့လဲ
ပင်စည် ကို ချိုးပြီး နင်ရိုက်သွားရက်တယ်
မိုက်သလားလို့ မမေးဘူးကွယ်..။

ဒုတိယ ဖြစ်မှ နာကျင်ရတယ် ထင်သလား..။
ပထမ ဆိုတာလဲ ကြေကွဲစရာ ရာထူးတစ်ခုပါ.။

ကံကြမ္မာနဲ့ သစ္စာတရားကောင်းမှု
ငါကိုက တောင်းဆုနည်းသူ..။
ကဲ
သူတည်း နှစ်ယောက် ကောင်းဖို့ရောက်ဖို့
ငါတစ်ယောက်သာ
ပျက်လင့်ပါမယ်..
ရင်နာဖွယ် ကျိန်စာစူး
ငါရင်ဘတ်နဲ့ သေအောင်ရူးမယ်.။
နင့် အချစ်ပင် အမြစ်တွေကိုတော့ မတူးတော့ပါဘူးကွယ်..။
အားငယ်စွာချောက်ခြား
ပင်ယံထက်မှာလဲ..အမြှောက်စား မခံနိုင်ဘူး
ယောင်္ကျားဆိုရင် ကြောက်ပြီ..။
ဖောက်လီဆယ် တဲ့ နင့်အပြော
ငါထပ် လို့ရင်မမောချင်ဘူး..။
ပြောနေရင် ကြာပါတယ်..
သစ်ပင်ကို မီးရှို့.
သေအောင်သတ်ဖို့ကြိုးစား
အဲဒီ့ အချိန်မှာတောင်….

ငါကိုယ်တိုင်တောင် လောင်မြိုက်သွားတယ်..။
ချစ်ခြင်းရဲ့ ရိုက်ချက်ပြင်းပုံ။

(ချစ်အစ်မ မမရောင် အတွက် အားဆေး လက်ဆောင် အဖြစ် ခံစားရေးပေးတာပါ..
ဒီလောက မှာ ရှိသမျှ ကျားမ အားလုံး သစ္စာ တရား လက် ကိုင်ထားနိုင်ကြပါစေ။)
အတောင်ချိုးထားတဲ့ငှက်ပါ
ချစ်နေလျက်နဲ့လဲ ..ချစ်နေတဲ့သူဆီမပျံနိုင်ဘူး..။
မိသားစုအတွက်
မောင်လေး အတွက်
ညီမလေးအတွက်..
အတွက် အတွက် အတွက် ..

တွက်နေရင်းကပဲ.
ငါဟာ(ကျေကျေနပ်နပ်) ထိုးကျွေးခံမယ့် ကျားတစ်ကွက် ဖြစ်လာတယ်..။

နင်စောင့်နေတဲ့ ရက်တွေ အရင်လို လင်းလက်သေးရဲ့လား..။

မနက် ပြီးတော့ ည
ငါလည်း လွမ်းတတ်ပါတယ်လို့ တစ်ခါတစ်ခါပြောပြော ပြ ချင်သေး..။
ချစ်သူချော့တေးကတော့ အလှမ်းဝေးဆဲပါ..။
အထင်လဲလွဲပါ..အမြင်လဲကွဲပါ..
ငါနင့်ရင်ထဲ တိုး လာ ချော့မရဘူး..
ရင်ပဲအကွဲခံလိုက်တယ်..
နင်လဲ မျှော်လင့်ရတာမောရောပေါ့..။

တစ်ခါတစ်ခါကျတော့လဲ..
လွမ်းလိုက်တာလို့ ပြောဖို့ရယ်
အဆင်ပြေရဲ့လားမေးဖို့ရယ်..
လွဲနေတဲ့တစ်ချို့တစ်ချို့လေးတွေ ညှိဖို့ရယ်တောင်မှ
(နင်မသိလို့ပါ)
ဂဂျောင်ကျ ကျနေတဲ့နေ့တွေ..
ငါလေ အဝေးတစ်မြေကနေ
တွေးမပြေနိုင်တဲ့ အားမလိုအားမရစိတ်တွေနဲ့..
ရင်ဘတ်တွေ ကြေအောင် အော် လိုက်ချင်ရဲ့..

ချစ်သူရေ
ကျေးဇူးပြုပြီး
ခဏခဏ စိတ်မကောက်ပါနဲ့..။



(အငြိမ့်မလာခင် တင်လိုက်တာပါ..ကြော်ညာဖြတ်တယ်ပေါ့နော်....:D)
ရေတမာ...ကဲ ဦးသစ် ကျုပ်ပဲခေါ်တော့မယ် ဗျာ...

ဦးသစ်.....ခေါ်စေဗျား...

ဘလော့တခွင် ပြိုင်ဆိုင်ကာ လင်းပါလို့၊ (ရေတမာလားဗျ)
အိုဘလော့တခွင် ပြိုင်ဆိုင်ကာလင်းပါလို့၊ ကြယ်စုံစီ ဗုစုခရုတွေနဲ့
(ဘယ်လိုကြီးလဲဟ)၊
ပြိုင်ကာလေ လိုက်မပေါပါဘု၊ တောင်ရှည်ဖြူ မြှောင်အောင်ကျိုက်လို့ရယ်၊ မာန်ဟုန်တင် ဖြဲကာဟောက်လိုက်မယ်၊ ကဲ မင်းသမီး ခုဆင်း
(ဝိုင်းရိုက်ကြသည့် အသံတွေက ဆူညံစွာ)
ကဲကဲ အတည်ခေါ်ပါတော့မယ်ကွယ်။ ဦိးသစ်ရေ။ နီနီမြင်....နီနီမြင်ရာ နှင်းဆီမမှတ်လေနဲ့၊ ဖြူဖြူစင် ကျုပ်နှမလိုပ၊ မူပိုကာ ကြွရွလှလေတဲ့ ရေရေလျဉ်ချောနှမ သူဇာကညာ...........မေ.....။


ထိုအချိန်တွင် ဇါတ်စင်နောက်မှ အ်ိမ်ကလေး မီးလောင် အက နှင့် ထောက်ဆတ်ဆတ် ထွက်လာသူ က အများမျှော်လင့်နေသော မင်းသမီးပါတကား။...။

ဆိုတဲ့ သီချင်းလည်းကြည့်ဦး...
`စပါယ်ရာ တစ်ဝက် ဒရိုင်ဘာတစ်ဝက် အုံနာ ဗိုက်မှောက်သေပါစေတော်.. လူမင်းဒေ၀ါ နတ်မင်းရာဇာ နန္ဒာလှိုင်နဲ့ ရစေသော်´


ဘယ်နှယ့် မင်းသမီးက လာကတည်းက ထောင့်မကျိုးဘူး..ဒီပုံသာဆို အငြိ်မ့် သမားစဉ် ပျက်ချေရဲ့။မင်းသမီးက လူရွှင်တော် လုပ်ပြီး လူရွှင်တော်လေးယောက် က ပြိုင်က ရမယ့် ပုံ..။ဦးသစ် သေချာ အနီးကပ် ကြည့်ရချေပြီ..။


လားလား ..မင်းသမီး အတုကြီး...။
`ဆောင်းချမ်းမိုး´ပဲ..။ သူက မင်းသမီး အ၀တ်တွေနဲ့ အတုတွေ ပါတပ်ဆင်ပြီး လာက နေပါလား..။ပရိသတ်ကတော့ မြရေလျဉ်ဆိုတာလည်း မမြင်ဖူး..ရွာက မီးစက်အားကလည်း သိတဲ့ အတိုင်း ဇာတ်စင်နားတောင် ခပ်ဝါးဝါးကိုး။...မင်းသမီးအစစ်လို့ချည်းထင်နေရှာတာ..။

မင်းသမီး အတုကတော့ ရှေ့ကပတ် နောက်ကပတ် ကာ ကွေးနေအောင် ကနေပြီ။ဒီတစ်ခါ ဦးသစ်နား ကပ်လာတော့ တိုးတိုးလေး ပြောသွားသည်..။

`မင်းသမီး က နှဲဆရာနဲ့လိုက်သွားပြီသူကြီး ရေ့ မင်မပျက်စေနဲ့ ..ဂိုးအွန် ´တဲ့..
ဖိုးသင်္ကြန်..၊ရေတမာနဲ့ တောင်ပေါ်သားတို့ကလည်း အကင်းပါးစွာ ဟန်မပျက်
`မြရေလျဉ် ရေလျဉ် ရေလျဉ် ..အရိုင်းသဘင်သည်လေးမို့ တို့များအားပေးချင် ..´
ဆက်လုပ်နေရသည်..။
တကယ်အားပေးချင်သည့် မြရေလျဉ်ကတော့ ..ခုနေဖြင့် ချောင်းရိုးကနေ စုန်ဆင်းပြီး ဘယ်ရွာရောက်နေပြီ မသိ...။
ဆောင်းချမ်းမိုး ကြည့်ရတာကလည်း ညလုံးပေါက် ကနိုင်ပုံမပေါ်..။သီချင်း ၄ ပုဒ်ဆုံးလျှင် ပစ်လဲတော့မည်..
ဘယ်လိုလုပ်ရပါ့..။

ကဲ မင်းသမီးလေးရဲ့ အက အလှလေးတွေ ပြီးတဲ့ အခါ ပီယ၀ါစာ ချစ်ဖွယ်သောစကား များကို ကြားချင်တယ် ဦးသစ်ရေ..
မှန်ပါ ဖိုးသင်္ကြန်ရေ...

မင်းသမီးလေးက ရှေ့သို့ တဖြေးဖြေး လှမ်းလာကာ လက်အုပ်ချီမိုး ကန်တော့ချိုးလေး စလေတော့သည်..။
လားလား အနီးကပ်ကြည့်မှ ငဆောင်းပိန်က လည်းအလာသား..။
မိတ်ကပ်ရဲရဲကြားမှာ မှ မျက်တောင်တုတွေ ဘာတွေနဲ့ မသိရင် ထိုင်းအခြောက် ပထမဆုရတဲ့သူတောင် ငိုလောက်တယ်နော်..။
မင်းသမီး အတုက မင်းသမီး အစစ်ထက်ချောနေသေးဗျား..။

စင်အောက်က လူပျိုသိုးကြီး ကိုဘိုတို့ဆိုတာ ဘုမသိဘမသိ လက်ဖျောက်တွေ မှုတ်နေတာ တရွှီးရွှီး..။

` အစ် ကိုတို့ရေ....ဒီဖက်က အထူးချစ်တဲ့ ဦးသစ်လားလို့´
`မှန်တာပေါ့ မြရယ်...လှ လှချည်လားလို့´

`ကိုရေတမာ...´
`ဗျာ ဗျ မြလေး ရေ..(ဝေါ့)´
`ဟင် ဘာဖြစ်တာလဲလို့ သူများကိုကြည့် ပြီး အန်တယ်လာ့ လူဆိုး´
အရေးထဲ မင်းသမီး က လာညုနေရာ ရေတမာ အတော် ကလိကလိ ဖြစ်လေသည်..။တွေ့မယ် ဆောင်းပိန် စင်အောက် ဆင်းမှ ဆုကြေးတွေ ကို အရက် ၀ယ်တိုက်ခိုင်းရမယ်။

`ကိုဖန်သကြိုး´
` ဖိုးသင်္ကြန်ပါဗျ မမမြ´
`ကျီစားတာပါကွယ်....မင်းကလည်း´
`အောင်မငီး ဒွက်ခွ.....ဒီညတော့ လူရွှင်တော်တွေ ကုပ်နေရမယ့် ည ထင်ပါ့´
`ဟဲ ဟဲ ဖိုးသင်္ကြန်ကတော့ ပြောရော့မယ်..ကဲ နောက်ဆုံးက ဘယ်သူလေးလဲ ဟဲ့....သေးလွန်းလို့ထောင့်ကပ်နေတာ ..ပေါ်ပေါ်လေးလားဟဲ့´

`မမ မမ မမမြ
အက ပထမ
ကပါကပါ မမရာ
ညညလသာသာ
ညအခါ ငါစာရ..
အကြော်သည် ကုလားမ ပေးတာဗျ..´


တောင်ပေါ်သားက မထင်ပဲ ထပျက်လေရာ ..ဦးသစ် တို့က အတိုင်အဖောက်ညီညီ ၀ိုင်းရိုက်ကြဟန်ပြုကြလေသည်..။
`ကဲ ကဲ
မင်းဂျီးတော် အကြော်သည် ကုလားမ က မင်း ကို စာပေးမလားဟ´
`ဟာ ဦးသစ် ကလည်းကျုပ်က စာပေးတယ်ပဲပြောတာ ..ဘာစာလဲ ပြောသလားဗျ..အဲဒါနောက်နေ့ သူ့ သမီးကျောင်းမတက်နိုင်လို့ ပေးခိုင်းတဲ့ ခွင့်တိုင်စာဗျ..တကတည်းး´
ဝိုင်းအုံက ရိုက်ကြလေသည်..။

`အစ်ကို တို့ရေ..ရှေးဦးစွာ ဂါရ၀ ပြုချင်တာကတော့ သမီးရဲ့ သင်ဆရာ လည်းဖြစ် ကျားစရာ ..အဲ ကြားစရာလည်းဖြစ်တဲ့ အကပညာကျော် ဦးဖိုးစိန်ပါ..။
`ဩော် မင်းသမီးရဲ့ ဆရာက ဖိုးစိန်ပဲကွ...ဆရာကောင်းတပည့် ကိုးကွ´
`နောက်သမီးဆိုမယ့် သီချင်းလေး ကိုရေးစပ်ပေးသူက ရွာစားလေး ကို ၀ိုင်တီယူပါ..´
`မိတ်ကပ် အလှ ဖန်တီးပေးပြီး လိုအပ်တဲ့ ကိရိယာတန်ဆာပလာဆင်သူကတော့ နွေးနေခြည်ပါ..´
`အ၀တ်အစားဒီဇိုင်း တီထွင်ပေးသူ ထင်းထင်းတေလာ ´နဲ့သမီး ရဲ့ အက အလှ ကို အားပေးကြတဲ့ဘလော့ဂါရွာသူရွာသား အပေါင်းကိုလည်းကျေးဇူးတော်အနန္တတင်ရှိပါကြောင်း ပြောကြားရင်း သမီး ဖျော်ဖြေချင်တဲ့ သီချင်းလေး က ...ဒီလိုပါတဲ့ရှင်´

`ကြားချင်ရင် ..ကုလား..ကုလားးး.....´
`ဟဲ့ကောင်မလေး ညည်းနော် ပေါက်ကရ´
`ဩော် ဦးသစ်ရယ် မီးက ဘာပြောလို့တုန်း

ကြားချင်ရင် ကုလားအရင် နားဆင် လို့ ပြောမလို့ပါ ..ဟွန့်´


.....................................................အပိုင်း (၄)မျှော်......................................................